"በኢትዮጵያ ኢንቨስት ኣድርጉ" ሰሚናር ተከታታይ ዘገባ

ተከታታይ ዘገባ
ኖርወይ ንግድ ምክርቤት ኮንፈደርሽን ጽ/ቤት ኦስሎ
የኖርወይ የንግድ ምክርቤቶች ኮንፈደረሽንና(NHO)የኖርወጂያን ኣፍሪካን የንግድ ቻምበር እንዲሁም የኖርወይ የግል ንግድ ሰክተር ልማት ኣማካሪ ጽ/ቤት(Veiledningskontoret)በጋራ ያዘጋጁት "በኢትዮጵያ ኢንቨስት ኣድርጉ" የተስኘው የዛሬው ኦክቶበር 16 2014 ሰሚናር በኦስሎ ከተማ በመካሄድ ላይ ይገኛል፡ ፡ በኢትዮጵያ የኖርወይ ኣምባሳደር ኣንድሪያስ ጎርደር ጨምሮ ኣዘጋጆች የእንኳን ደህና መጣችሁና የመግቢያ ንግግር ኣድርገዋል፡ ፡በፕሮግራሙ መሰረት በ 10:35 የኢትዮጵያ የዉጭ ጉዳይ ሚኒስትር ዶክተር ተዎድሮስ ኣድሓኖም ንግግር እንደሚያደርጉ ይጠበቃል፡ ፡ በኖርወይና በኢትዮጵያ ኢንቨስትመንት ሚና ያላቸውና የኖርወይ መንግስታዊ ያልሆኑ ድርጅቶች በመወከል የተገኙ 8 ትውልደ ኢትዮጵያዊያን ብቻ በስብሰባው የመሳተፍ ዕድል ኣግኝተዋል፡ ፡ ሌሎች ተሳታፈዎች ከኖርወይ መንግስትና የንግድ ምክርቤቶች የመጡ ናቸው፡ ፡
እንደተለመደው የኣገሪቷ ልማት የማይዋጥላቸው ጥቂት የ ግንቦት 7 ጀሌዎች ስብሰባዉ ከሚካሄድበት ርቀዉ የተቃዉሞ ሰላማዊ ሰልፍ እያደረጉ ነው፡ ፡

Publisert: 16.10.2014 10:16

Av Girmay Assemahegn

 በኖርወይ የኢትዮጵያ ኤክስፐርት ሸቲል ትሮንቮል መድረኩን ይዘዋል፡ ፡ የኢትዮጵያ መንግስት ያስገኛቸውን የኤኮኖሚያዊ ድሎችን የማይክዱትና በኢትዮጵያ የዴሞክራሲ ሂደት ሂስ በማቅረብ የሚታወቁት እኝህ ምሁር በቅርቡ በኢትዮጵያ መንግስት  ላይ ያላቸውን ሂስ በማለዘባቸው በ ኣክራሪዎቹ በኖርወይ የግንቦት 7 ጀሌዎች ሲወረፉ ሰንብተዋል፡ ፡ ሸቲል በዛሬው ንግግራቸው የኢትዮጵያ ልማታዊ እድገት የሚደነቅ መሆኑን ኣልሸሸጉም፡ የንግግራቸውን ኣንኳር ነጥቦች በሚቀጥለው ዘገባቸን ይዘን እንቀርባለን፡ ፡ ሸቲል የዛሬው ንግግራችው  የኢትዮጵያ ፖሊቲካ ኣደጋዎች ግምገማ  የሚመለከት " Risk assessement perspectives on Ethiopian politics " በሚል የተዘጋጀ ነው፡ ፡

ዶክተር ተዎድሮስ ኣድሓኖም የኢትዮጵያ የውጭ ጉዳይ ሚኒስትር መድረኩን ይዘዋል፡ ፡ ዶክቶር ተዎድሮስ ንግግር መስህብ እንዲኖረው ዘና ባለመንፈስ ታዳሚዎቹን ፈገግ እያሰኙ የኣገሪቷን ተጨባች ሁኔታ ኣንኳኳር ነጥቦቹን ጠቅሰዋል፡ ፡  በ ስብሰባው መጨረሻ ታዳሚዎች ጥያቄና ኣስተያየት ለማቅረብ ዕድል ይሰጣቸዋል፡ ፡

 የኖርወይ የንግድ ምክርቤቶች ኮንፊደረሽንና የኖርወድያን ኣፍሪካን የንግድ ችምበር የኢትዮጵያና የኖርወይ የንግድና የኢንቨስትመንት ግንኝኑት በኣሁኑ ጊዜ ካለበት ተስፋ ሰጭ ሁኔታ ይበልጥ እንዲጎለብት በማለም ያዘጋጁት ሰሚናር የኢትዮጵያ የውጭ ጉዳይ ሚኒስትር ዶክቶር ተድሮስ ኣድሃኖም ጠቃሚ መልእክት ኣስተላልፈውበታል፡ ፡
ስብሰባው ተጠናቋል፡ ፡  

 እራሱን " Democratic Change in Ethiopia Support Commitee " ብሎ የሰየመው የ ግንቦት 7 ጀሌዎች ስብስብ ፎረም ለ ኣንድ ወር ያህል ጥገኝነት ጠያቂዎችን ስሜት በመበዝበዝ ስብሰባውን ለማሰናከል ያደረገው ቅስቀሳ የኖርወጂያውያንና የትዉልድ ኣገራቸውን ጥቅም ለመጻረር በማይፈልጉ ኢትዮጵያውያን ዘንድ ድጋፍ ስላላገኝ ከሽፏል፡ ፡

ይህ በእንዲህ እያለ ስብሰባው ከተካሄደበት እጅግ ርቆ በሚገኘዉ የ ኖርወይ ፓርላማ(ስቱርቲንገ) ኣከባቢ በዉጭ ጒዳይ ሚኒስትሩ ላይ እንቁላል ለመጣል ይሞከራሉ ተብለው የተጠረጠሩ  ሁከተኞች በፖሊስ ሃይል ከቦታው መወገዳቸው ኤን.ኣር. ኮ. ዘግቧል፡ ፡ ጠቅላይ ሚኒስትሩ ከስብሰባው በኋላ እቅዳቸው መሰረት ከኖርወይ ባለስልጣናት ጋር የሚያደርጉትን ዉይይትና ጉብኝት ቀጥለዋል፡ ፡